အဖွားပြောသောသမိုင်းပုံပြင်နှင့် ကျမ မသက်ဇင် (၁)

ကျမ ရဲ့ မွေးရပ် ဇာတိ က ကချင်ပြည်နယ် မိုးညှင်း နန်းမား။ ကျမ ရဲ့ အဖွား အဖေ့ရဲ့ မိခင်က နန်းမားသူ ရှမ်း ဗမာ။ အသက်၉၀ နီးပါး အထိ အသက်ရှည်ရှည် နေခဲ့ရသည်။ နောက် အဖွားတယောက် အမေ့ ရဲ့ မိခင် က တော့ ကချင်ပြည်နယ် မိုးကောင်း မှာ နေပါသည်။ အဖွားနှစ်ယောက်လုံး က ရှမ်းဗမာတွေ။ ကျမ အလွန်ငယ် စဉ် က အဖွား တွေ ထံ တယောက် တလှည့်စီ သွားနေရင်း ညတိုင်း ပုံပြော ကောင်းတဲ့ အဖွားတို့ နှင့်နေခဲ့ ရသည့် ငယ် စဉ် ကလေးဘ၀တွေ ကို ယခု အချိန် ထိ တ သသ နဲ လွမ်း မော မဆုံး နိုင်ပါ။

ပုဂံခေတ် မတိုင်ခင် က ယခု ကချင်ပြည်နယ် လို့ ခေါ်တဲ့ မိုးညှင်း ၊ မိုးကောင်းမြို့ တွေဟာ ရှေးခေတ် ရှမ်း စော်ဘွား များအုပ်ချုပ်ခဲ့ တဲ့ ရှမ်းနယ်တွေပေါ့ လို့ အဖွားက လွမ်းလွမ်း ဆွတ် ဆွတ်နှင့် ဘိုးဘေး ဘီဘင်တွေ အကြောင်း။ ချစ်ခြင်း မေတ္တာ တွေ အကြောင်း။ ကြေ ကွဲ လွမ်းဆွတ် ဖွယ်ရာ ချစ်သူတို့  အကြောင်း ပုံပြင်တွေ ကို ညအိပ်ရာ ၀င်တိုင်း အဖွားတွေ ဆီ က ကျမ မရိုး နိုင် အောင်ကြားခဲ့ရပါသည်။

မိုးကောင်း က အဖွားရဲ့ ခင်ပွန်း ကျမ အဖိုး က မန်းတလေးသား စစ်စစ်၊ အရပ် အမောင်းမြင့်မားပြီး ပေါင်မှာ ထိုးကွင်း မှင်ကြောင်တွေ နှင့် ဗမာ စစ်စစ်၊ မိုးကောင်း က ရှမ်းဗမာ အဖွားနှင့် ရေစက်ဆုံတော့ အဖိုးအဖွား တို့ ရဲ့ မျိုးဆက် ကျမတို့  တတွေ ဟာ ရှမ်းဗမာ ကပြားတွေဖြစ်လာ ခဲ့ကြပါသည်။ အဖေ့ မိခင် မိုးညှင်းနန်းမားသူ အဖွား က လည်း ရှမ်းဗမာ အဖိုးနှင့် ရေ စက်ဆုံခဲ့ပြီး ၊ မသက်ဇင် တို့ ဖခင် ကို မွေးဖွား ကာ ဆွေစဉ် မျိုးဆက် မိရိုး ဖလာ ထေ ရ ၀ါဒ ဗုဒ္ဓဘာသာ စစ်စစ် တွေဖြစ်ပါသည်။

ကချင်ပြည်နယ် အဖြစ် သတ်မှတ်တာ ကတော့ မန်းတလေး က နေ မြစ်ကြီးနားဘက် ကို ရထားစီး လာရင် နန့် စီး အောင် ဘူတာနား ချောင်း တဘက် ကနေစ ပြီး ကချင်ပြည်နယ် လို့ သတ်မှတ် ခေါ်ဝေါ်ပါသည်။ မီးရထား သံ လမ်းရိုး တလျှောက်လုံး မှာ ရှိတဲ့ မြို့  တွေ အားလုံး နီးပါးဟာ မသက်ဇင် တို့ ဘိုးဘွား ဘီဘင်တွေ ဖြစ်တဲ့ ရှမ်းနီ ၊ ရှမ်း ဗမာတွေ ပဲ နေထိုင်ဋ္ဌကပါတယ်။ ထေရ၀ါဒ ဗုဒ္ဓဘာသာ စစ်စစ်ထွန်း ကား ရာ နယ်မြေနှင့် စိုက်ပျိုးရေး ကို အခြေခံ ရိုးသားစွာ လုပ်ကိုင် စားသောက် ပါသည်။
ကချင်ပြည် နယ် က မသက်ဇင် တို့  ဇာတိမြေ အကြောင်း ကို နောက်များ မှ ဆက် ရေး ပါ့မယ်။ မသက်ဇင် ရေ ၊ ဘယ်ဇာတိလဲ လို့ မေး လာရင် ကချင်ပြည် နယ် က ပါ လို့ ဖြေမှာ ပေါ့နော်။ အဲဒီ တော့ မေး သူ က ကချင်ပြည် က ကချင်မလေး ဒါမှ မဟုတ် ဂျိန်းဖော သူ လို့ မသက်ဇင် ကို သတ်မှတ် မှာ လား။

ဘယ် လို တိုင်းရင်းသူ လေးပဲ ဖြစ်ပါစေ။ ကျမတို့ ရဲ့ မြန်မာပြည် ဖြစ်တဲ့ အိမ်ကြီးတလုံး ထဲ မှာ ကျမတို့ အား လုံး ချစ် ချစ် ခင် ခင်နှင့်မိမိ ယုံကြည် ရာ ကို လွတ် လပ်စွာ ကိုးကွယ်ပြီး ခိုင်မာ တောင့်တင်း သည့် ဒီမိုကရေစီ အိမ် ကြီး တလုံး ကို ညီ ညွတ်စွာ တည် ဆောက် နိုင် လိမ့် မယ် လို့ မျှော်လင့်မိ ပါသည်။ အဖွား ပြော သော သမိုင်း ပုံပြင်တွေ ကို နောက်များ မှ ဆက်ရေးပါ့မယ်။
အားလုံး ကို ဂါရ၀ ပြုလေးစားလျက်
မသက်ဇင်