မြန်မာ့ယဉ်ကျေးမှုပုံပြင်များနှင့် စာဆိုရှင်များ

ဘိုးဘိုးအောင်

ကျမတို့ မြန်မာ လူမျိုး အပါအဝင် လူမျိုးတိုင်း တွင် ယဉ်ကျေးမှု ရှေးဟောင်း ပုံပြင် များ ရှိကြသည်။ နေထိုင်ရာ ဒေသနှင့် ရေမြေ တောတောင် ပတ်ဝန်းကျင် လိုက်၍ သာ ကွဲပြား ကြသည်။ အနှစ် သာရကား ခြားနား ခြင်း မရှိ ကြပေ။

လူမျိုး တိုင်းသည် လူ့ အနွယ်ကြီး တနွယ်လုံး ရာစု နှစ်ပေါင်း များစွာ ဖြတ်သန်း ခြင်း ပြုခဲ့ ရသော သမိုင်း လမ်း ကြောင်း များ အတိုင်း လျှောက်ခဲ့ရ သောကြောင့်ဖြစ် သည်။ လူမျိုး တိုင်း၏ သမိုင်း များတွင် ပဋိပက္ခ များ အကြောင်း ဖေါ်ပြ တတ်ကြ သည်။ လူစွမ်းကောင်း များ တန်ခိုးရှင်များ အကြောင်းလည်း တခမ်းတနား ပါရှိ တတ် သည်။ သဘာဝထက် လွန်ကဲ သည့် ပုံပြင် များသည် လည်း အဆန်း တကြယ် ရှိကြသည်။ လူမျိုး တမျိုး အနေဖြင့် နုနယ်စဉ် အချိန် ကာလ များတွင် စိတ်ကူး စိတ်သန်း များ လောက်ဖြင့်သာ ဖြတ်သန်း နေကြရပြီး ဗေဒင် ၊ အင်းအိုင်၊ လက်ဖွဲ့ ၊ ဂါထာ၊ မန္တာန်၊ အဂ္ဂိရတ်၊ မှော် ၊ စသည့် ရှေးဟောင်း အတတ် ပညာ လောက်သာ လက်ကိုင် ပြုနိုင်ကြ သေး သော ကြောင့်ဖြစ်သည်။

ခေါမ ပုံပြင် များတွင် မီးကို ယူဆောင်လာသည့် ပရိုမီးသီးရပ်၊ လူစွမ်း ကောင်း ဟာကျူလီ၊ ဗြဟ္မဏ လူမျိုးတို့၏ ပုံပြင် များတွင် မြေလျှိုး မိုးပျံနိုင်ပြီး အသက် ထောင်ချီ ရှည်သည့် ရသေ့ ရှစ်သောင်း များ၊ ယင်း ယောဂီနှင့် ဂုရုကြီးများ ကိုင်စွဲ ခဲ့ ကြသည့် နက္ခတ်၊ ဗေဒင်၊ တန္တရ၊ အဂ္ဂိရတ်စသည့်များ။ တရုတ် တို့တွင်လည်း လူစွမ်း ကောင်း ပုံပြင် များစွာ ရှိခဲ့ကြသည်။ မြန်မာ တို့ တွင် ခေါမ၊ တရုတ်၊ ဗြဟ္မဏများ အလားတူ တံခိုးရှင်များ ဇော်ဂျီများ၊ ထွက်ရပ် ပေါက် များ ရှိခဲ့ကြသည်။

ကုန်းဘောင် ခေတ် ဦးပိုင်း နှစ်ပေါင်း ရှစ်ရာကျော်ခန့် က တတိယ မြန်မာ နိုင်ငံအား ထူထောင်သူ အလောင်းဘုရား ဦးအောင်ဇေယျ၏ သားတော် ဦးဝိုင်းတွင် ငယ်သူ ငယ်ချင်း တယောက်ရှိသည်။ အမည်က ဆရာအောင်ဖြစ်သည်။ ဆရာအောင်ကား ပထမံ အတတ်ဖြင့် ထွက်ရပ် ပေါက်သူဖြစ်သည် ဆို၏။ ပထမံဆရာအောင်သည် ဝ တလုံးက နှစ် လုံးဖြစ်အောင် တတ်နိုင်ရုံမက ဘယ်လိုမှ သတ်၍ မသေဟု ဖေါ်ပြကြသည်။ မြန်မာ လူမျိုးများတွင် ယင်းပုံပြင်သည် ယနေ့တိုင် သစ်လွင် အားကောင်းဆဲ ဖြစ်သည်။ ပုဂံပြည်တွင် ထွက်ရပ်ပေါက် ရှင်မထီး ရွေမိုး ငွေမိုး ရွာချ သည်ကို စွဲလန်း ခဲ့ကြသည့် မြန်မာ လူမျိုးများသည် ဘိုးဘိုးအောင်မ ပါဟု ဆုတောင်းဆဲပင်ဖြစ်သည်။

ကျမတို့ ပြည်ပ ထွက်လာ သည့်အခါ တနိုင်ငံနှင့်တနိုင်ငံ လူမျိုး တမျိုးနှင့် တမျိုး ယဉ်ကျေးမှု ပုံပြင်များ ဖလှယ် ပြော ဆိုမိကြသည်။ သူတို့လူမျိုးများ၏ စာပေ စကားများ အား လေ့လာသင်ကြားရင်း မိမိတို့ လူမျိုးများ၏ ယဉ်ကျေး မှုစာပေ ၊ ကဗျာများအား သူတို့ ဘာသာ ဖြင့် တတ်နိုင် သမျှ ဘာသာပြန်ရင်း ဖလှယ်ခဲ့ကြသည်။

သူတို့ စိတ်ဝင်စားကြသည်။ ဆရာကြီး သခင်ကိုယ်တော်မှိုင်းပြီး နောက်ပိုင်း ခေတ်တွင် ဆရာ ဇော်ဂျီနှင့် ဆရာ မင်းသုဝဏ် တို့ ကဗျာဆရာ နှစ်ယောက်အား စာပေ သမားများက ကဗျာ့ အရာတွင် ဦးထိပ်ထားကြသည်။ ကဗျာဆရာ အတော် များများသည် ဆရာကြီး နှစ်ယောက်၏ ကဗျာများ အောက်မှ ပေါက်ဖွား ဖြစ် မြောက် လာကြ သည်ဟု ဆိုရမည် ဖြစ်ပေသည်။

တွေ့ဆုံ ခဲ့ရသည့် အခြားနိုင်ငံမှ ကဗျာချစ်သူ လူမျိုးခြား ကျမ၏ မိတ်ဆွေများအား သူတို့ ဘာသာဖြင့် ပြန်ဆို ပေးခဲ့ရသည့် မြန်မာကဗျာ စာဆိုရှင် ကြီးများ၏ ကဗျာ အချို့အား သတိတရ လွမ်းဆွတ်စွာ ပြန်လည် ဖေါ်ပြ ပေး လိုက် ပါ သည်။

အောက်မှ ကဗျာ တိုလေးသည် ၁၉၃၆-ခုနှစ် တက္ကသိုလ် ကျောင်းသား များ၏ အရေးတော်ပုံတွင် ဆရာဇော်ဂျီမှ မမကြီး ( အင်းလျားက ခြင်းကြား ) အား ရေးပေး လိုက်သည့် ကဗျာဟုလေ့လာ တွေ့ရှိ ရသည်။

ပြဒါးရှင်

ပေးချင်ငဲ့ ခုအရေး။

ဇော်ဂျီမောင် ငါမစစ်လို့

စိတ်ညစ်တယ်လေး။ ။

( ဇော်ဂျီ )

ဖေဇော်ဂျီ
အနီဆင်သလို့
ယဉ်လှပုံထူး။

အလို
ရှုစမ်းပ
မြိုင်တန်းမှာ မာန်အကြိမ်းတွေနဲ့
ရှိန်းသတ်လို့မြူး။

နောက်တပုဒ်က ဖြင့် သတိ ဟူသော ကဗျာလေးဖြစ်သည်။
ရုပ်သေးစင်ပေါ်
ဇော်ဂျီနှင့် တောင်ဝှေး
အခုန် အပျံနှင့်
သူ့ ဟန်ကို သည်ဖေကြည့်
မောမိတယ်လေး

ရှိန်းဆာယာ ပိုမောက်
ကိုယ်ပျောက် သည့်တန်ခိုး
ရှိန်းဆာယာ သည်ဖေ ကြောက်
စိတ်ပျောက်မှာစိုး။
( ဇော်ဂျီ )

နောက်တပုဒ်ကတော့ တိုတိုလေးနှင့်ထိမိသည့် ဆရာမင်းသုဝဏ် ၏ နှင်းဆီ ကဗျာလေးပါ

လယ်တောကအပြန်

ပန်ချင်တယ် ခရေဖူးဆိုလို့

မောင်ခူးကာပေး။

မနက်တုံးဆီက

ကြော့ဆုံးကို မောင်မြင်တော့

သူ့ ဆံပင် နှင်းဆီပွင့်တွေနဲ့

ဂုဏ်တင့်တယ်လေး။
( မင်းသုဝဏ် )

အောက်တွင် ဖေါ်ပြ ထားသည့် ကဗျာ ကတော့ လွန်ခဲ့သည့် ၂၅ နှစ်ခန့်( ၁၉၈၄ ) ခုနှစ်က ရေးသား ခဲ့သည့် ကဗျာ စာဆိုရှင် ဆရာတင်မိုး ကဗျာ တပုဒ်ဖြစ်ပါသည်။

ဇော်မောင်မောင်၏ မျှော်တော်ယောင်

ခါးကိုထောက်လို့ တောင်မြောက်ကယ်မျှော်

ဇော်ဂျီတဲ့လေး။

တောင်ဝှေးကို ဘယ်ညာကိုင်လို့

ဟိုမြိုင်လယ် သည်မြိုင်တန်းမှာ

လွမ်းခဲ့ရှာသေး။

ကျောက်ပျဉ်မှာ ဆေးကြိတ်လို့

တောင်ထိပ်မှာတဲ့ အေးရိပ်ခို

ဇော်ဆိုတဲ့ ဇော်ကလေး။

လူ့ဘုံကို သွေခွာလို့

ဟေမဝါ သေလာကွေ့ မှာ

တကိုယ်တော် သူပျော်မွေ့ချင်သတဲ့

ချမ်းမြေ့စွာ တောင်စခန်း

လမ်းရှာခဲ့သေး။

ဇော်မောင်မောင်

မျှော်တော်ယောင် ဘာကို တ ပါလိမ့်

မြိုင်ဝမှာ သူယောင်မယ်နဲ့

ချစ်စဖွယ် သည်မှာ တွေ့ပြန်တော့

မွေ့လျော်မိသေး။

ပူဖို့ငယ်ကြုံ

လူတို့ဘုံ သူခွာလဲ

လူ့  မူရာ ဘယ်မငြင်းနိုင်ဘု

တကိုယ်တော် အဖော်ကင်း ယင်ဖြင့်

ပျင်းတတ်ကဲ့လေး။ ။

( တင်မိုး )

ဆေးလိပ်လည်းတို ၊ နေလည်း ညိုပြီ ကဗျာအား ရွတ်ဆို ပြနေ သည့် ဆရာတင်မိုး နှင့် ဘာသာပြန် စာရေးသူတို့ အမှတ်တရ